Jinsi ya Kutengeneza Sabuni za Miche (Gwanji) | Mafunzo ya Ujasiriamali

 

Sehemu ya 2: Utengenezaji wa Sabuni za Miche (Gwanji)

Katika sehemu hii, utajifunza kutengeneza sabuni imara ya miche (magadi/gwanji) kwa hatua sahihi. Sabuni hizi hutumika kwa kufulia au kuogea, zikiwa na rangi nzuri, povu jingi na bila kuwasha ngozi.

🔹 Sifa za Sabuni Bora ya Gwanji

• Iwe na harufu nzuri (kama umeweka perfume)
• Toa povu jingi na la muda mrefu
• Iwe ngumu, imara na isiyovunjika kirahisi
• Iwe na rangi nzuri (bluu/kijani)
• Isiwe na mwasho wa ngozi
• Iwe na shape nzuri na mvuto wa mteja

🔸 Malighafi

• Mafuta ya mawese, alizeti, mise au mbosa – lita 20
• Costic soda – kilo 4
• Maji safi – lita 10
• Sodium silicate – kupunguza mwasho
• Hydrogen peroxide – kuipa sabuni weupe
• Hydrometer – kupima joto la maji + costic (280–300°C)
• Rangi ya sabuni – bluu, mafuta
• Perfume – kwa harufu nzuri

🔸 Vifaa Muhimu

• Box la mbao lenye nailoni ndani
• Beseni au ndoo kubwa mbili
• Mwiko mrefu wa mti au plastiki
• Kisu na meza ya kukatia sabuni
• Gloves, mask, apron (usalama wa mwili)

⚠️ Tahadhari: Usalama Kwanza

• Va’a gloves, mask na miwani wakati wa kuchanganya costic soda
• Usikoroge costic soda sehemu yenye watu au watoto
• Usishike kwa mikono mitupu
• Endapo italipuka au kukuchoma, tumia maji mengi kusafisha

🛠️ Jinsi ya Kuchanganya Costic Soda

1. Pima maji lita 10 kwenye beseni kubwa
2. Ongeza costic soda kilo 4 polepole huku ukikoroga kwa mwiko
3. Koroga kwa dakika 40–45 hadi iyeyuke vizuri
4. Acha mchanganyiko huu upoe kwa saa 24 mahali salama

🧼 Jinsi ya Kutengeneza Sabuni ya Miche

1. Mimina mafuta lita 20 kwenye ndoo kubwa (yatakuwa yameyeyuka)
2. Andaa maji yaliyochanganywa na costic soda (yenye joto sahihi)
3. Koroga mafuta polepole huku unamimina mchanganyiko wa costic soda
4. Koroga kwa dakika 30 hadi iwe uji mzito
5. Mimina kwenye box lililotandikwa nailoni au karatasi ya plastiki
6. Changanya rangi na mafuta pembeni kisha mimina ndani ya uji wa sabuni
7. Tumia kibao refu kupiga mistari ya mawingu juu ya sabuni
8. Acha ipoe kwa saa 24, kisha kata kwa umbo unalotaka

🎨 Namna ya Kutengeneza Rangi ya Sabuni

• Chukua mafuta kidogo (robo lita)
• Changanya na vijiko 6 vya rangi ya bluu
• Koroga hadi ilainike, kisha mimina juu ya sabuni

🆘 Huduma ya Kwanza kwa Ajali za Costic Soda

• Osha mara moja kwa maji mengi ya kawaida
• Usitumie kemikali nyingine
• Tafuta msaada wa matibabu kama athari zitaendelea

---

📌 SOMA SEHEMU NYINGINE:

• 🔹 Sehemu ya 1: Sabuni za Maji, Chooni, na Shampoo
• 🔹 Sehemu ya 3: Batiki, Vikoi, Shanga na Herini – Inakuja hivi karibuni!

Hakimiliki ©2025 – Jumanne255. Ruhusa ya kushirikisha ipo, lakini tafadhali usibadilishe chochote bila ruhusa ya mwandishi.